چهارشنبه 23 اسفند ماه سال 1385
ابراهیم جععفرزاده ایلین سون چرشنبه سینی دوستاقدا
ابراهیم جعفرزاده آذربایجان میللی حرکتینین تانینمیش فاعاللاریندان بیریسی دیر. ابراهیم بی گنج چاغلاریندان آذربایجانین دردینی دوشونوب و اونون نهدنلیینی دوشونوب، دردی دوشوندوکده اونو چؤزوتمهیه یوللار آختاریب، یول تاپدیقدا اونو دوغروتماق ایستهییب.
ابراهیم جعفرزاده آذربایجانین ایقتیصاد، توپلوم، کولتور و سیاسال پروبلئملرینین تملینی، آذربایجانین کیملیک مسئلهسینین هدهلنمهیی بیلیب. بو کیملیین ان اؤنملیسینی ده آذربایجانین دیلی بیلیب. هر توپلومون ایسارته سالماق ایستهیهنلر او توپلومون دیلینی هدف توتوب و اونو باشاردیقجا ایللر بویو آرادان آپارماقا چالیشارلار ، آنجاق بیر میللتین دیلینی الیندن آلماق راحاتجاسینا یئرینه یئتیریلمز، نسیللرین دهییشیلمهسینه، پروقراملارین حاضیرلارلار. بو پروسهنی ایرهلی سوردوکده او میللتی آلچاتماقا باشلارلار، تاریخینی دییشییب، قهرمانلارینی یادلاردان چیخاریب، مانقورتلاری قهرمانا چئویریب، بوسقو قویوب زامانی گلدیکده سؤن قورشونو بوشاداللار.
ابراهیم بی آذربایجانین قایغیسینی چکن گنجلریله بیرلیکده بو دردلری قالدیرماق ایستهییب. زامان گلدیکده آذربایجانین میللتینین سئلِنه قاریشیب و میللی کیملیینین یئنیدن ساغلانماسینا چالیشیب. او ایللر بویو ایناندیغی یولدا سوسمادان، دایانمادان سرت دایانیب و هر بیر ایستهیی آذربایجان اوچون اولوب. بو ساواشی باشلادیقدا دفعهلر توتوقلانیب( خویدا، اردبیلده، قالادا، تهراندا...) .
ابراهیم بو دردی دوشوندوکده اؤزونه بیر یول سئچیر اودا تکجه آذربایجانین دردینه گؤزو آچیق باخیب باشاردیقجا هاللاشلاییب سونرا ایقدام ائلهمکدیر.
بیزیم حؤرمتلی دوستومونوزون ایلین آخیر چرشنبهسینده آداخلی اولاراق، ایچریده اؤلماسی، بیزی ها بئله آداخلیسی مینا خانیمی کدرلندیریر. آنجاق اینسانلار سئودیی یوللاردا آددیم آتاندا هر نهیی سئومهلی اولور. هر چتینلییی هدفین موققدس اولدوغو دؤزمهلی ائدیر بلکهده سئومهلی ائدیر.
No comments:
Post a Comment